Marieke duit vandaag zienen plechtige kemunie en dus is 't groeët fees. Mooder haet d'n gansen daag hard gewerk en óntzettend vuuël gekaok want zeej wil vandaag good veur d'n daag kómme taege-euver femilie, vrinde en veural ouk taege-euver menièr pestoeër. Veur Marieke is maar weinig tièd vandaag. Men wet wie det geit op zó'nnen drökke daag. Mam zörg veur de gaste… Pap zörg veur d'n drank… En pestoeër, zoel hae nog effe tièd hebbe veur de kemuniekant? Mam is veural bezörg euver de goojen aafloup van dezen daag…
